E dua na vere vuni ni veivamalumalutaki a yaco mai Yacata, nai naki levu duadua me vamalumalutaki kina nai tutu Va Tui Daku, oqori na vosa nei Momo Delai vei au mai Tavua, ni tukutuku e tu ena veitarogi vanua e sega kina na dina, e levu ga na lasu: au kerea meda raica vaka vinaka naka sa cakaoti kei na kena revurevu ena tarai keda tiko ena gauna qo.
Nai Vola Volai Tokatoka Namoli, nodratou koro I tikotiko Namoli, nodra vanua Waisota ka mai veibataki tiko ena dela ni yalowai kei na lecai ka, ni tiko ga e loma ni Mataqali Daku, dua ga na vuvale, Tua Tubale, Nau Gasau, Nau Kuva, mai vawati tale o Nau Dikulu kei Tua Tevita Levu, qai luvena tale kina Tua Vana, Tua Biu, Nau Ciri, Nau Toga rau na bui ni gone qo erau vakawati ki Vanuabalavu, era bula tu nikua na kena kawa; o kemuni kece ka sema tu kina matavuvale qo ni wilika nai talanoa qo nei Vola Vanua, o kemuni na kai Namoli;
Ke oni taroga e lako mai vei na kawa qo? Vola Vanua sa vadikeva oti nai tekivu ni kawa, nodratou koro makawa mai Korotiki ena yasana vaturaga o Ra. Na ulunivanua voleka kina koro ni yasana Nukuloa, oqori na koroni valu, akerei valu o Ratu Cakobau eratou cavu mai kina na Kawa ni Bati meratou mai toka mai Gau meratou taqomaka na vanua nei Ratu Cakobau, o Lomai Viti e wase ga vakarua, qali Vabau, qali Vabatiki.
Kenai vadinadina nodratou I tokatoka mai Nacavanadi mai Gau Korotiki, Kerei valu a Turaga Tui Cakau era cavu mai na kawa qo ena veikacivi nodra turaga Tui Cakau vei Ratu Cakobau mera mai bai ni Vanua, oqori na nodra I lakolakomai na Bati; matata nodra lako mai, naki ni nodra lako mai kei na nodra sa mai vakoro toka ena ucuni ni vatu qo. E na yaga me matata tiko a vanua e lako mai kina a omu Tua kei nai naki nona lako mai;
Eratou sa lesu vavica a Turaga Tui Cakau, meratou mai kaya tiko a kawa qo kei na kedratou vanua ena tu me tawamudu: baleta ni ratou kila tiko a kena bibi, I na vuvale I Lalagavesi. Ia e mosi ni mai valutumi nai tukutuku qo, ia na dina ena dei tu ka tawamudu, era na “tabu yani”, tamata qaqa, era tamata rawaka, ka liga kaukauwa, kua na vasagai ira, na Sau ni vanua o Lalagavesi, e na muri ira voli kei na nodra Kalou ni Valu o Jiova ena maroroi ira ena vanua era toka voli kina.(I will curse those who curses you, and I will bless those who blesses you”)
