E ra sa yali yani na qase, ka era sa biuta tu mai eso na dredre e da na mai sotava tiko na taba ena gauna oqo, kei na veigauna muri mai;
Meu kauti kedatou lesu kina veitarogi vanua mai Naselesele 1929, ena vica na taro: meda sarava kina na I tukutuku ka bubuluitaki koya.
1. O cei a sainitaka na i tukutuku raraba kei Yacata?
2. Na veivadonui cava sa soli merau laki sainitaka ka bubuluitaka nai tukutuku kei Yacata e rua erau soko mai Vuna kei Qamea ni sa tawa oti tu ko Yacata?
3. Na cava na vuni nodrau lako tani mai na nodrau vanua?
4. Na cava erau kauta mai, vinaka se ca? (curse or blessing)
5. Na cava e talai kina o Lote Vulakoro me laki moku bulumakau ena siga e bubuluitaki kina na vanua o Yacata?
6. E rau mai taukena vacava na yanuyanu o Nukutolu kei Nukuluve ka vakalutumi na kedrau I tukutuku raraba na yanuyanu e rua oqo?
7. A cava e lutu kina naitukutuku raraba kei Vatuvara kei Kaibu ena veitarogi Vanua oqo?
8. A cava e tokitaki kina nai tokatoka O Namoli ni dua nai tokatoka ni mataqali o Dakuicake?
9. Ocei a ravuti Vatuvara ka vakama na kena koro?
10. O cei a vakatoka yacataki Matavura Tabu mai Kaibu, Na cava nai balebale ni yaca me Tabu kina?
11. Dra nei cei a dave koto mai Kaibu?
12. ke dau tagi na dra ka drodro kina qele, siga cava ena qai saumi kina?
Ni dikeva na taro, tovolea med raica na dina, Nai sau ni nomuni taro ena matata kina na dina kei na lasu ni Vola Volai
Meu sauma ga vakalekaleka, oqori nai Vadi duka ni veiliutaki ni vanua, me vakamalumalumutaki kina na mataqali o Dakuicake; au kerea medatou yadra na lewe ni mataqali o Dakuicake medatou kila na cava dina a vakayacori, kei nai naki ni kena vakayacori. “Na yaca Kuluvanua “e basika tiko ena I vola Vanua ka koto na kenai balebale e rua na vosa erau sema tiko kina, Kulu-Vanua) na kulu na kenai balebale rawarawa vaka Yacata, taura vakaukauwa, kuluma; na vanua cava e kulumi se tauri vakaukauwa?
Ocei a taura vakaukauwa Na Vanua? Na Vanua cava? Na Vanua nei cei? Na yaca edau volai kina e dua nai tukutuku ni ka e yaco ena dua na vanua donumaka ni sucu e dua na marama ni vanua qai toqai vua na gone me vabula nai tukutuku. Oqori nai Vola Vanua;
Au vosa doudou meu kaya ni noqu mataqali, niu kilai au kei na vanua au vosa kina, mevaka au sa kaya oti mai cake.
E vica na dina levu ena qai basika mai; dua na dina kei na lasu ni ka e Volai, kei na dina ni Vanua; e dua na ka dau yaco, ni rau duidui nai Vola Volai kei nai Vola Vanua; Na Kawaboko, kei na mate ni Kawa e dau muria mai; nai vola tabu sa dusia kua ni tosoya nai yalayalani vanua”
1. O Nukutolu na yanuyanu ni Mataqali o Dakuicake, o Misaele levu edau nona yanuyanu tu ni sasalu o Nukutolu, a tu mai Nukutolu a sucu edua veiiratou na marama ni Daku, vakatokayacataki kina Tu I Nukutolu. Na yaca e vakaibalebaletaki, kai vola bula ni noda kawa nai taukei e Viti. Toka na yaca vei Eseta Tuinukutolu, dewa vei nona yaca na luvei Momo Misa mai yali e wai, toka vei na luvequ yalewa Vilimaina Tuinukutolu; Ke sega ni dau talanoa o tukamu, ia qo nai talanoa mai vei ira na tukaqu era sa yali yani. Au dau vakarorogo ena nodra dau veitalanoa na Tua, kau dau ciqociqo toka ena loma ni nodra veitalanoa.
2. Yaco mai nai lakolako mai Vuna sa tawa toka o Daku ni vanua, savu na waqa me laki kele ki Nasau, oqori na yaca eratou bulia na tukaqu eratou takasa mai Nasau.eratou toka e baravi mai Nasau ni bera niratou qai kau cake vei Tui Yacata. (Dou vosoti au na vugoqu e vale levu ;)
3. Nai lakolako mai Qamea eratou mai takasa i Nukuluve, ni bera ni ratou qai kau mai ki vei Tui Yacata, e sega ni nodratou o Nukuluve, eratou mai takasa ga kina; (dou vosoti au na tavalequ)
4. Na cava e sega ni laveti cake mai kina nai tukutuku raraba kei Vatuvara kei Kaibu ena veitarogi Vanua qo?
5. Na cava e lutu kina nai tukutuku raraba kei Nukutolu kei Nukuluve? Ia erau sa vola ga me nodrau? (Kuluvanua?)
6. O koya e dodonu me soli tukutuku, e vakatalai me laki moku bulumakau, me rau rawa ni taura na vanua o rau na soli tukutuku; Paula Raikaki kei Tuvuwai Levu.
7. E rau sa tu mai vei ni kua? Bula tiko beka e dua nodrau kawa, kera bula tiko mera kila nai Vadi Ca era cakava nodra qase; ena sauti ira na kena kawa me tawamudu ;( kawaboko??)
8. O Josevata Soge (Tua Soge levu) e dau kaya voli sa sega na kai Yacata dina, edua li naka e kila tiko kasega ni vakaraitaka vakadodonu? E kila beka na vere vuni qo? (Kawaboko??)
9. O Tua Simeli Levu, sega li ni a kila na vere ca oqo? Vakaio me tokitaki na I Tokatoka Namoli kau tani mai Dakuicake? O cei a cabora na kamunaga ni vanua o Waisoata? O cei e ciqoma na kamunaga ni vanua o Waisoata me wasei? Sega li ni Tamaqu Filimone? (kawaboko??) okoya e vakacacabo kei koya e ciqociqo erau sa mai coko ena I vadi ca oqo. E rau sesewa ni qele e tikoga e loma ni tokatoka Namoli, Mataqali Dakuicake, qai mai veisolitaki na kena kamunaga.
10. Au sega ni vei vakasewasewani, au nanuma ni sa yaga me cereki eso na dina me kua ni lako tu o Yacata ena dua na I tukutuku lasutaki.
11. E levu sa mai via kaya meda raica ga ki nai vola, va evei ko sa bau dikeva nai Vola Volai, ocei e vola na cava e volai kina? Dikeva mada? Kua ni wilika walega;
12. Vacava nai Vola Vanua, ko sa bau wilika tiko naka sa yaco tiko e vanua? Sa lala mai eso na dela ni yavu e vaevei? Sa kawa boko mai eso na vuvale? Evaevei?
13. Na mate ni Kawa sa drodro tiko ga sega ni oti rawa, edua na leqa e tiko?
14. “Sakiusa kevu sobu mai au na tiko ena nomu vale edaidai”
15. Dua ga na noqui tatau, ni maroroya na nomuni veiwekani kei na nomuni Kalou; me savasava na lomada kei na yaloda, na vei ka kece oqo ena biu tu mai, sega naka eda na kauta, “ liga lala mai, liga lala ni lesu”
O sakiusa e kaya vei Jisu, au na solia lesu na ka au taura vatawadodonu, Luk 19:8 Zacchaeus stood up and said to the Lord, "Listen, sir! I will give half my belongings to the poor, and if I have cheated anyone, I will pay back four times as much."
1. Luk 19:9 Jesus said to him, "Salvation has come to this house today, for this man, also, is a descendant of Abraham.
