Momo Isimeli Volavola, au mai tu voli veirau niu tekivu vulicakacaka ena matanitu, (PWD)ka mai vakacurumi kina me yacova na kena vakatagede au kila niu sa rawa ni wilika na droini ni vale ka tara talega; e dau marautaka na noqu toso kei na kila vakacakacaka ni keirau dau dabe ena so na gauna ni gunu vata; keirau qai mai cakacaka vatatale ena kena tauyavutaki na Lotu ni Vanua niu sa tiko e Davuilevu ena Vuli Talatala, kai tekitekivu ni Lotu ni Vanua kenai naki me vukea na Lotu ki delani yavu ni sa tekivu me vakaitalatala;
Momo Misaele Dalituicama, au vakavinavinakataka na veituberi kei na veisusu me baleta na bula, e bulia noqu bula meu tamata kaukauwa, curuma na dredre sega ni tamata dadatuvu rawarawa, vulica na teitei taniu, cola buka visa lovo bukani draya, taravale bolabola,karavaki boto kei naka kece e rawa me vulica e dua me tagine; au biuti koya mai vale niu a susugi voli ga vei rau kei Nana Milika, keirau qai sota tale niu sa rawati au meu cakacaka, sa gole mai me baleta na tara ni vale ni mataqali e tolu mai Yacata. Au ciqoma niu kila ni kerekere tu e dua na vugoqu, au kila niu na sega ni saumi, ia ke rawa ni bau dua nakequ yaga lailai vei ira na wekaqu, sai koya oqo.
Au taleitaka talega na nona dau sasaga me baleta na bula raraba (community development) na tara ni Vale ni Soqo, na Tane ni Wai ni gunu ka tu mai Yacata ni kua. E dau bolei au na nona bula ena sasaga, ka noqu Role Modell na vugoqu qo, e muri au sa qai mai vulica na Community Development ena vanua ni Kaulotu me yacova mai oqo.
Momo Aisea Tikoilau Vulakoro na neirau veitaratara voleka duadua ena nona sega ni taleitaka naka e ckava o Tamaqu Livai Kanacagi me sa volai au vei Tamaqu, ni a vinakata okoya meu volai ga vei tinaqu; oqori na nonai tukutuku vei au mai na vale nii Mataqali mai 93 Mead Road.
Tamaqu Levu Livai Kanacagi, na neirau veitaratara voleka duadua ena nona sa mai vakacurumi au ki nai vola ni kawabula vei tamaqu, kau sega ni kauwaitaka sara ena gauna koya na bibi ni ka erau kaya vei au na turaga rua oqo; e muri au sa qai kila ni rau sa yali ruarua; drau sa bula, kedrau se bula au curumi rau tale merau vakavinakataka na vereverea erau biuta tu mai vei keda; ia e sega ni o rau,
Eda sa mai Silima na gau ni Dali, o ira na bubuluitaka na I vola Volai Volai me baleti Yacata e ra vuni leqa kece mai Yacata ni kua. E da sa mai tauca na vua ni Lasu kei na I Vadi Ca ni Bubului Vakailasu ni veiliutaki ni Vanua 1929, sa mai vo qo e 20 na yabaki me dua na kena senitiuri ni noda vakabobulataki tu ena dua nai tukutuku lasu
Momo Eroni Delai Vulakoro ena noqu sa mai cakacaka Vakaitalatala, matai mesa dua nai Talatala ki Yacata, keirau veitalanoataka vakavinaka sara ni sa I koya na sala ena vukea na leqa e koto e dela ni yavu; au ciqoma kau kerei koya me muria na kena sala vakabose vula vou,vula tolu, wasewase me kau cake kin a Koniferedi, mani tao ni leqa ni lailai nai talatala, au kauta cake kina vulitalatala sa mani bole edua na yabaki rua Apiuta Vava nai matai ni talatala ki Yacata me lesi main a Koniferedi ni Lotu Wesele;
Kenai karua ni veitaratara ni bera tiko nona mai yali, a laki tiko voli yani vei keitou mai Tavua sa dua na gauna talei vei keitou vakaveitamani ni rau a tiko voli yani kei Nana Eseta Tuinukutolu ka vakatoka yacataki voli vei neirau gone yalewa Vilimaina Tuinukutolu; talanoa voli vei au kau kila ni sa laki vakasavasavataki koya voli vei au, me baleta na Tukutuku Raraba kei Yacata, Mataqali, ai Tokatoka Namoli, na vanua o Waisoata, na veiwekani sa mai dredre tu oqo. Na vanua o Kaibu, Vatuvara, Nukutolu kei Nukuluve.
Au na qai talanoataka tiko vakamalua, na lewe ni veivosaki, a kaya vei au, au sa mai tukutuku vei kemudrau ni sega nidua vei iratou a gone mai vale ena maroroya nai tukutuku qo. Me yacova na kena kumuni nai tukutuku raraba kei Vatuvara, me qaravi na vetarogi ni qoliqoli me baleta na yanuyanu o Vatuvara. Au na qai sereka malua na kenai talanoa ni veitarogi ni qoliqoli:
